Umwanditsi: HAKIZIMANA Maurice

Abanyarwanda bamaze kumenyera bene izi nkuru. Abanyarwanda hirya no hino bashinjwa kwica abo bashakanye cyangwa abana,cyangwa abana bakica ababyeyi babo haba mu Rwanda no mu mahanga. Mu ijoro ryakeye, umugore w’umunyarwanda w’imyaka 38 yishwe atewe icyuma n’umugabo we bwite, na we w’umunyarwanda w’imyaka 39, i Saint-Priest,mu nkengero z’umugi wa Lyon,mu Bufaransa. Uyu mugabo yatawe muri yombi kuri uyu wa mbere.Azaburana afunzwe.

📲 Nkurikira kuri WhatsApp : https://whatsapp.com/channel/0029VaCyM5ILdQejDYwQ2b2u
📘 Nkurikira kuri Facebook : https://www.facebook.com/professormaurice/

Polisi y’u Bufaransa. Image d’illustration

Umushinjacyaha wa Lyon yabitangarije Agence Radio France, yemeza inkuru yavuye muri BFM Lyon, yemeza ko umugore w’imyaka 38 yishwe atewe icyuma i Saint-Priest (Rhône) mu masaha ya nimugoroba yo ku Cyumweru tariki ya 26 Ukwakira.

Nyakwigendera Claudine

Umushinjacyaha wa Lyon yabwiye Agence Radio France ko umugore w’imyaka 38 yishwe atewe icyuma kugeza apfuye. Uwo bashakanye w’imyaka 39 yatawe muri yombi. Ibiro by’umushinjacyaha byavuze ko abana babo “batabonye ibyabaye” kuko bari basinziriye.

Inkuru isa n’iyi: Mu Bufaransa, umwana yishe se amuteye icyuma kugeza apfuye – menya impamvu.

Dore uko byagenze!

Ni ku mugoroba wo ku cyumweru, tariki ya 26 Ukwakira 2025. Ibi byabereye mu nzu y’umuryango, iherereye ku ri iyi aderese: Judith-Gautier mu gace ka Bel Air. Aba bombi bafite abana batatu bafite imyaka 6, 9, na 12. Byamenyekanye ahagana saa cyenda z’ijoro. Abana bari baryamye mu cyumba cyabo cyo kuraramo ku buryo batabimenye. Umugabo yishe umugore we amusogose,akoresheje icyuma. Ubwo polisi yahageraga, uwishwe yabonetse aryamye hasi mu maraso menshi,ijosi ryose ryateraguwe ibyuma hafi gucika.

Dore aho baro batuye: rue Judith-Gautier dans le quartier de Bel Air

📰 Indi nkuru iherutse kuba: Axel Rudakubana, umusore ukomoka mu Rwanda wishe abana batatu akoresheje icyuma mu Bwongereza, yakatiwe igifungo cya burundu, nta bushobozi bwo kugabanyirizwa imyaka 52.

Umugabo yahise ahungira ku ncuti ye nayo y’umunyarwanda.

Umugabo w’uwahohotewe, umugabo w’imyaka 38, akimara gukora ibara yahise ava mu rugo ajya kwa mwene wabo utuye mu gace kitwa Meyzieu, aho yafatiwe muri uwo mugoroba. Yatawe muri yombi mu rugo rw’iyi nshuti ye ya hafi, iyo nshuti niyo yahamagaye polisi.

Lyon,umugi mwiza cyane mu Bufaransa

Soma kandi: Mu Bubiligi, umugabo w’Umunyarwanda yishe umugore we! Dore uko byagenze!

Uyu mugabo niwe wisogoteye umugore

Igitekerezo cyanjye: “Mwahindutse koko?!!!.”

Birongeye kandi, dore urugomo aho urukundo rwagombaga kuba rurinzwe. Umugore w’imyaka 38 yatakaje ubuzima, yishwe n’umugabo bari basangiye byose,bambaranye ubusa,bari umubiri umwe. Abana batatu bateshejwe nyina,bagizwe imfubyi. Ni akumiro. Imitima yashengutse, iki kibazo gikomeje cy’Abanyarwanda gikomeje kuduhangayikisha: Ibi bizakomeza kugeza ryari, yemwe banyarwanda, banyarwandakazi? Mwahindutse koko?!!!

Kuri jye iyi si inkuru y’amakuru. Ni amakuba mu bantu, ni ijwi ry’akababaro ritwibutsa ko guceceka byica kimwe n’inkota. Ishyari, uburakari, no kurwana si urukundo. Urukundo ntirwica. Urukundo rurarinda. Urukundo rwumvira umutimanama. Urukundo rwubaha uwo mwabyaranye, mwambaranye ubusa, mwasangiye byose. Urukundo ni icyubahiro.

Buri munsi, abagore bicwa n’abavugaga ko babakunda. Buri munsi, abana bakurira mu bwoba. Ntitugishobora kongera kureba kure. Kuvuga, gukumira, gutega amatwi abandi, kubarinda – ni inshingano rusange yacu twese.

Nkomeje cyane umuryango w’uwishwe,nkomeje turi twana tugizwe imfubyi kandi tuzakurana ibikomere,nkomeje abababaye bose, abari mu gahinda mwese. Ubutabera butangwe, ubuzima buhabwe uburenganzira bwabwo aho urupfu rwashatse gutsinda.

Ikibazo cyanjye gihora kigaruka:

Ko inkuru z’ubwicanyi mu muryango nyarwanda zimaze kuba nyinshi ndetse zimaze no kwambutswa imipaka,ubona biterwa n’iki?

Iyi si

🖋️Yanditswe na Mwalimu HAKIZIMANA Maurice
📲 Kuri WhatsApp : Kanda kuri WhatsApp
📘 Kuri Facebook : Kanda kuri Facebook

KWAMAMAZA

🌍 TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)

Murakaza neza muri TIDAS

Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.

Serivisi zacu:

✅ Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
✅ Kugufasha dosiye zo gusaba ubuhungiro
✅ Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa

Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.

📞 Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com

✨ TIDAS :

“TIDAS – Iguhora hafi ”
“Ijwi ry’Abanyamahanga mu Bufaransa”
“Gusobanukirwa, Gusemura, Gufasha”