Mu Bubiligi,umunyarwanda yishe umugore we bwite! Dore uko byagenze!

Yanditswe na HAKIZIMANA Maurice

Ni inkuru nababwiyeho ku rubuga rwanjye rwa facebook ejo ku wa gatanu tariki 03 Ukwakira 2025 bikimara kuba. Umunyarwanda witwa Celestin uba mu mugi wa Tirlemont (Tienen) mu Karere ka Flamand mu ntara ya Brabant flamand mu Bubiligi yishe umugore we bwite (bashakanye byemewe n’amategeko) witwa Jeanne d’Arc. Bari bafitanye utwana tubiri duto.

II Kunkurikira ku rubuga rwa WhatsApp  Whatsapp https://whatsapp.com/channel/0029VaCyM5ILdQejDYwQ2b2u II  Kunkurikira ku ipaji ya facebook: https://www.facebook.com/professormaurice/

(Mu mutuku) umugi wa Tirlemont (Tienen) uherereye ku ikarita y’Ububiligi

Itangazo

Muraho neza Banyamuryango kandi Bavandimwe,
Diaspora DRB Leuven ngari ndetse n’Abanyarwanda muri rusange tubabajwe no kubamenyesha inkuru mbi y”umunyarwandakazi kandi akaba n’umunyamuryango wacu Umuhire Jeanne d’Arc,wishwe n’umugabo we bombi bakaba bari batuye Tienen,umurambo wa nyakwigendera ukaba uri mu buruhukiro Tienen, mu gihe tugitegereje amakuru arambuye turi bugezweho na Police turakomeza tuyabagezaho!
Twabasabaga kwihanganisha umuryango wa Jeanne d’Arc.Gahunda zindi zikurikira ikiriyo n’ibindi bikorwa biteganyijwe turakomeza gukurikirana amakuru neza tukabamenyesha.
Twese nka Diaspora Leuven Ngari ndetse na Diaspora yose yo mu Bubiligi twihanganishije umuryango wanyakwigendera.Mukomeze kwihangana. -V/P DRB Leuven ngariEgide karuranga

Byagenze gute?

Amakuru nabashije kumenya ni uko iri shyingiranwa ryari irya 2 kuri Celestin.Ishyingiranwa rye rya mbere ryari ryaranze,yaratandukanye n’umugore we wa mbere. Uyu mugore wishwe bari bafitanye abana babiri bato kuko bashakanye mu bihe bya covid19 (mu mwaka wa 2021).

Indi nkuru bisa:Mu Bufaransa umwana yishe se amusogose.Menya impamvu

Umunsi amwica rero, ngo Jeanne d’Arc yigiriye gutemberana na bagenzi be mu murwa kuva mu gitondo baratinda cyane ku buryo abana bananiye se utari umenyereye (uko bigaragara) gusigarana cyangwa kwita ku bana wenyine. Ngo yararakaye cyane yahamagara umugore ntafate telefoni,akamukupa,kugeza ubwo Celestin ahamagaye nyirasenge mu Rwanda aramucururutsa bya kibyeyi amusaba kwihangana amubwira ko arashyira akaza.

Indi nkuru byenda gusa:Axel Rudakubana,wa musogosi w’umwongereza ukomoka ku babyeyi b’abanyarwanda wicishije icyuma abana bato batatu yakatiwe igifungo cya burundu,kidashobora kugabanywa ngo kijye munsi y’imyaka 52

Nyuma kera kabaye umugore yageze mu rugo mu ijoro, nyirasenge ashatse kumuvugisha umugabo arabyanga.Yahise amuniga,aramwica,ariryamira. Bukeye yakarabije abana abajyana muri crèche (garderie aho basiga abana) mu irerero.Ahageze ni bwo yabwiye umukozi waho ngo “uzanderere abana”. Ntiyahise yumva icyo ashatse kuvuga. Yavuye aho asubira mu rugo akanya gato ni uko ajya kwitanga we ubwe kuri Commissariat de police (kuri Polisi).

Inkuru irarangiye. Nihanganishije umuryango wabuze uwabo, n’umuryango w’uwakoze amahano.

Ikibazo: Ko inkuru z’ubwicanyi mu muryango nyarwanda zimaze kuba nyinshi ndetse zimaze no kwambutswa imipaka,ubona biterwa n’iki?

Iyi si

🖋️Yanditswe na Mwalimu HAKIZIMANA Maurice
📲 Kuri WhatsApp : Kanda kuri WhatsApp
📘 Kuri Facebook : Kanda kuri Facebook

KWAMAMAZA

🌍 TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)

Murakaza neza muri TIDAS

Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.

Serivisi zacu:

✅ Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
✅ Kugufasha dosiye zo gusaba ubuhungiro
✅ Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa

Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.

📞 Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com

✨ TIDAS :

“TIDAS – Iguhora hafi ”
“Ijwi ry’Abanyamahanga mu Bufaransa”
“Gusobanukirwa, Gusemura, Gufasha”