Guverinoma Lecornu II – Urutonde rw’Abaminisitiri bashyizweho!

HAKIZIMANA Maurice

Sébastien Lecornu yongeye kugirwa Minisitiri w’Intebe nyuma y’iminsi ine gusa yeguye. Inshingano zimutegereje ni nyinshi kandi zirakomeye, ariko urebye ukuntu yiyeguriye Perezida Emmanuel Macron abigiranye ishyala n’ubwitange bwinshi nk’“umusirikari we,” (yiyita « moine-soldat » wa Macron) byamugize nimero ya 1 y’amahitamo ya Perezida wa Repubulika. Sébastien Lecornu yongeye gushyirwaho ku mwanya wa Minisitiri w’Intebe ku wa Gatanu tariki ya 10 Ukwakira, saa tatu n’iminota 59 z’ijoro, nyuma y’iminsi ine gusa yari amaze kwegura.

Nyuma gato yaho, Lecornu yanditse ku rubuga rwa X (Twitter) ko yemeye kongera kuyobora Matignon “kubera inshingano,” mu gihe igihugu kiri mu rungabangabo rwa politiki, kandi yizeza ko “ingingo zose” zavuzwe mu biganiro bizaganirirwa mu nteko ishinga amategeko.

“Abazinjira muri guverinoma bagomba kwemera kwirinda inzozi zo kwiyamamariza umwanya wa perezida muri 2027,”-Amagambo ya Minisitiri w’intebe Lecornu, akaba akuye mu nzego z’ubutegetsi nyubahirizategeko bwana Bruno Retailleau, wari Minisitiri w’Umutekano w’igihugu unashaka kuziyamamariza kuba perezida ndetse ahigika atyo n’umuyobozi w’ishyaka Les Républicains wanahise yegura.

Sébastien Lecornu, Minisitiri w’Intebe mushya

👉 Kanda hano ukurikire urubuga rwanjye rwa WhatsApp: https://whatsapp.com/channel/0029VaCyM5ILdQejDYwQ2b2u
👉 Kanda hano ukurikire urukuta rwanjye rwa Facebook: https://www.facebook.com/professormaurice/

Dore Guverinoma Lecornu II yuzuye imaze gutangazwa muri iri joro

Hatangajwe abaminisitiri 34 bagize guverinoma iyobowe na Minisitiri w’Intebe Sébastien Lecornu.
Bose bategetswe kwitabira inama ya mbere y’abaminisitiri ku wa kabiri saa yine za mu gitondo (10h00):

• Laurent NUNEZ, Minisitiri w’Umutekano
• Catherine VAUTRIN, Minisitiri w’Ingabo n’Abahoze ku rugamba
• Jean-Pierre FARANDOU, Minisitiri w’Umurimo n’Ubufatanye
• Monique BARBUT, Minisitiri w’Ibidukikije, Biodiveristé n’Imishyikirano mpuzamahanga y’Ibidukikije n’Ihindagurika ry’Ikirere
• Gérald DARMANIN, Minisitiri w’Ubutabera
• Roland LESCURE, Minisitiri w’Ubukungu, Imari, n’Ubusugire bw’Inganda, Ingufu n’Ikoranabuhanga
• Serge PAPIN, Minisitiri w’Ubucuruzi, Ubukorikori, Ubukerarugendo n’Imibereho myiza y’Abaturage
• Annie GENEVARD, Minisitiri w’Ubuhinzi, Inganda zikora ibiribwa (Agro-alimentaire)  n’Ubusugire mu kwihaza mu biribwa (Souveraineté alimentaire)
• Edouard GEFFRAY, Minisitiri w’Uburezi
• Jean-Noël BARROT, Minisitiri w’Ubumwe bw’u Burayi n’Ububanyi n’Amahanga
• Rachida DATI, Minisitiri w’Umuco
• Stéphanie RIST, Minisitiri w’Ubuzima, Imiryango, Ubufasha ku bafite ubumuga n’Abasaza
• Naïma MOUTCHOU, Minisitiri w’Intara z’Ubufaransa bwo hakurya y’inyanja (Outre-mer)
• Françoise GATEL, Minisitiri w’Imyubakire mu gihugu n’Iyubahirizwa ry’Ubutegetsi bwegereye abanyagihugu (Aménagement du territoire et de la Décentralisation)
• Amélie de MONTCHALIN, Minisitiri w’Imicungire y’Ikoreshwa ry’amafaranga ya Leta no gukurikirana imisoro (Action et des comptes publics)
• Philippe BAPTISTE, Minisitiri w’Amashuri Makuru, Ubushakashatsi n’Ubwisanzure mu Isanzure
• Marina FERRARI, Minisitiri w’Imikino, Urubyiruko n’Imiryango y’Abaturage
• Philippe TABAROT, Minisitiri w’Ubwikorezi
• Vincent JEANBRUN, Minisitiri w’Imijyi n’Amacumbi

Abaminisitiri bungirije

Bakorera kwa Minisitiri w’Intebe:

• Laurent PANIFOUS, ushinzwe Imibanire ya Leta n’Inteko Ishinga Amategeko
• Maud BREGEON, Umuvugizi wa Guverinoma
• Aurore BERGÉ, ushinzwe Uburinganire no Kurwanya Ivangura

Bakorera kwa Minisitiri w’Umutekano:

• Marie-Pierre VEDRENNE

Bakorera kwa Minisitiri w’Ingabo n’Abahoze ku rugamba:

• Alice RUFO

Bakorera kwa Minisitiri w’Ibidukikije:

• Catherine CHABAUD, ushinzwe Inyanja n’Ubufatanye mu by’Uburobyi
• Mathieu LEFÈVRE, ushinzwe Ibidukikije n’Imihindagurikire y’ikirere

Bakorera kwa Minisitiri w’Ubukungu n’Imari:

• Sébastien MARTIN, ushinzwe Inganda
• Anne Le HENANFF, ushinzwe Ubwenge bw’Ubukorano (AI) n’Ikoranabuhanga

Bakorera kwa Minisitiri w’Ubumwe bw’u Burayi n’Ububanyi n’Amahanga:

• Benjamin HADDAD, ushinzwe Ubumwe bw’u Burayi
• Nicolas FORISSIER, ushinzwe Ubucuruzi mpuzamahanga no gukurura ishoramari
• Eléonore CAROIT, ushinzwe Igifaransa, Ubufatanye mpuzamahanga n’Abafaransa baba mu mahanga

Bakorera kwa Minisitiri w’Ubuzima:

• Charlotte PARMENTIER-LECOCQ, ushinzwe Ubufasha ku bamugaye n’abageze mu za bukuru

Bakorera kwa Minisitiri w’Imyubakire y’Igihugu:

• Michel FOURNIER, ushinzwe Ibyaro

Bakoreralkwa Minisitiri w’Imicungire y’Imari:

• David AMIEL, ushinzwe Abakozi ba Leta n’Isubukurwa ry’Imikorere y’Ubutegetsi

Sébastien Lecornu azwiho kuba umwizerwa ukomeye wa Perezida Emmanuel Macron (aha bombi ni ku itariki ya 19 Kamena 2023), mu biganiro bikomeye byiswe Grand Débat, igitekerezo cyatangijwe na Lecornu mu nyandiko yanditse mu kwezi kwa Mutarama 2019.AFP/pool/Ludovic Marin

Iyi si,

Mwalimu HAKIZIMANA Maurice

👉 Komeza unkurikire kuri WhatsApp: https://whatsapp.com/channel/0029VaCyM5ILdQejDYwQ2b2u
👉 Komeza unkurikire kuri Facebook: https://www.facebook.com/professormaurice/

KWAMAMAZA

🌍 TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)

Murakaza neza muri TIDAS

Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.

Serivisi zacu:

✅ Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
✅ Kugufasha dosiye zo gusaba ubuhungiro
✅ Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa

Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.

📞 Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com

✨ TIDAS :

“TIDAS – Iguhora hafi ”
“Ijwi ry’Abanyamahanga mu Bufaransa”
“Gusobanukirwa, Gusemura, Gufasha”