Byanditswe na :HAKIZIMANA Maurice
Amasezerano ya Washington — Itangazo rihuriweho n’ibihugu bya Leta Zunze Ubumwe za Amerika, Repubulika ya Demokarasi ya Kongo, na Repubulika y’u Rwanda ku gushyira mu bikorwa vuba na bwangu Amasezerano ya Washington — Minisiteri y’Ububanyi n’Amahanga ya Amerika, ku wa 18 Werurwe 2026.
IIKunkurikira kuri Whatsapp https://whatsapp.com/channel/0029VaCyM5ILdQejDYwQ2b2u IIKurikira na paje facebook: https://www.facebook.com/professormaurice/.
Iryo tangazo (ryo mu cyongereza,nabashyiriye mu Kinyarwanda)
Ku matariki ya 17–18 Werurwe 2026, abahagarariye Democratic Republic of the Congo (DRC) n’u Rwanda bahuriye i Washington, D.C. maze bemeranya ku ntambwe zifatika zo kwihutisha ishyirwa mu bikorwa ry’Amasezerano y’Amahoro ya Washington akubiye mu Masezerano ya Washington agamije Amahoro n’Amajyambere.
DRC n’u Rwanda byemeranyije ku ruhererekane rw’intambwe zihuriweho zigamije kugabanya umwuka mubi no guteza imbere ibikorwa by’amajyambere. Izi gahunda zirimo ukwiyemeza gufata ingamba zihariye zo gushyigikirana mu kubahiriza ubusugire n’ubwigenge bw’ibihugu byombi, gukura ingabo z’u Rwanda mu bice byagenwe ku butaka bwa DRC no gukuraho ingamba z’ubwirinzi zashyizweho n’u Rwanda, kongera imbaraga no gushyiraho igihe ntarengwa ku bikorwa bya DRC byo guca intege umutwe wa FDLR, ndetse no kurinda abasivili bose.
DRC n’u Rwanda byongeye gushimangira ibyo byiyemeje mu Masezerano ya Washington, hagamijwe kugera ku mahoro arambye n’iterambere mu karere.
Ibikubiyemo mu ncamake
Muri make iryo tangazo rya Washington rivuga ko Kongo Kinshasa n’u Rwanda byumvikanye ku bikorwa by’ingenzi bikurikira:
- Ingamba zo gufatanya kubahiriza ubusugire n’imbibi z’ubutaka za buri gihugu
- Ku Rwanda:Itariki yo gukura ingabo no gukuraho icyiswe ingamba z’ubwirinzi mu bice by’ubutaka bwa Kongo
- Kuri Kongo Kinshasa: Kongera imbaraga nshya no kwiha igihe mu bikorwa byo guca intege umutwe wa FDLR, no kurinda abasivili bose.
Izi ngingo ni zo ahanini zari zemeranyijwe mu masezerano yasinywe mu kwezi kwa karindwi muri 2025 akemezwa n’abakuru b’ibihugu byombi mu kwa cumi n’abiri 2025 i Washington, ariko ntatange umusaruro.
Leta y’u Rwanda ishinjwa gufasha umutwe wa M23 wigaruriye ibice bitandukanye mu burasirazuba bwa Kongo, naho leta ya Kongo-Kinshasa igashinjwa gufatanya n’umutwe wa FDLR uwo Kigali ivuga ko uteye impungenge umutekano w’u Rwanda.
Iki gitutu gishya cya Leta Zunze Ubumwe za Amerika ku bihugu byombi, gikurikiye ibihano giheruka gufatira igisirikare cy’u Rwanda na bamwe mu bagikuriye. Soma inkuru igira iti:Ibihano bya Leta Zunze Ubumwe za Amerika ku Ngabo z’u Rwanda: Ibyo ukwiriye kumenya
Izindi nkuru wasoma:
Amasezerano y’amahoro hagati ya Repubulika Iharanira Demokarasi ya Kongo (RDC) na Repubulika y’u Rwanda (Inyandiko yose uko yakabaye)
Ese amaherezo, amahoro agiye guhinda cyangwa biracyari inzozi?
Iyi si,
Umwanditsi:HAKIZIMANA Maurice II Kunkurikira kuri Whatsapp https://whatsapp.com/channel/0029VaCyM5ILdQejDYwQ2b2u II Kunkurikira kuri facebook: https://www.facebook.com/professormaurice/.
Profeseri Hakizimana Maurice ni umwarimu w’umwuga ufite impamyabumenyi y’icyiciro cya gatatu cya kaminuza mu burezi yakuye muri Université Catholique de Paris no mu bumenyamuntu yakuye muri Sorbonne Université. Afite kandi impamyabushobozi (titre professionnel) mu by’ubukerarugendo n’icungamutungo yahawe na Ministère du Travail et des Solidarités/Région Parisienne.Ni umwarimu akaba n’umukozi wa Cité internationale universitaire de Paris.
Profeseri Hakizimana Maurice ni umwanditsi w’igitabo “UTABA AMATEKA NTABONA ITAKA” Editions Scribes/ Ugikeneye wagitumiza kuri email: m.hakizimana@isfec-idf.net
KWAMAMAZA
TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)
Murakaza neza muri TIDAS
Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.
Serivisi zacu:
Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
Kugufasha dosiye zo gusaba ubuhungiro
Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa
Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.
Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com
