Guverinoma Attal :Dore urutonde n’amafoto by’abaminisitiri,abashya n’abagarutsemo! Umukunzi wa Gabriel Attal nawe yahawemo umwanya

Abarebye: 305

Mu nyandiko yacu y’ubushize Mu Bufaransa,umugabo ukiri muto Gabriel Attal, washakanye n’undi mugabo mugenzi we, yagizwe Minisitiri w’Intebe, uyu munsi yinjiye Matignon twababwiye ko mu Bufaransa hashyizweho Minisitiri w’intebe mushya : Gabriel Attal,w’imyaka 34 . Perezida Emmanuel Macron na Gabriel Attal ejo kuwa kane tariki 11 Mutarama 2024 babashije gushyiraho abaminisitiri bose ba guverinoma nshya.

Nkurikira ku rubuga rwa Whatsapp https://whatsapp.com/channel/0029VaCyM5ILdQejDYwQ2b2u

Uyu munsi kuwa gatanu tariki 12 mutaranma 2024 buri wese mu mwanya we, bakoze inama ya mbere ya guverinoma Attal, ihuza abaminisitiri bashya n’abagumye mo. Nguru urutonde rw’abinjiye n’abagumishijwe muri guverinoma.

Catherine Vautrin (à g.) ministre du Travail, de la Santé et des Solidarités, Éric Dupond-Moretti ministre de la Justice, Prisca Thévenot porte-parole du gouvernement et Rachida Dati ministre de la Culture. Photo S.Duclet, C.Hiély, F.Pennant et AFP

Abaminisitiri

• M. Bruno Le Maire, w’ubukungu,imali,inganda n’ikoranabuhanga (Économie, des Finances et de la Souveraineté industrielle et numérique)

• M. Gérald Darmanin, w’ubutegetsi bw’igihugu n’intara z’Ubufaransa zo hakurya y’Inyanja (de l’Intérieur et des Outre-mer );

• Mme Catherine Vautrin, ushinzwe Akazi, ubuzima, n’Ubufatanye (Travail, de la Santé et des Solidarités) ;

• Mme Amélie Oudéa-Castéra, w’Uburezi bw’igihugu,urubyiruko,siporo n’Amarushanwa ya Olimpike (de l’Education nationale, de la Jeunesse, des Sports et des Jeux olympiques et paralympiques)

• M. Marc Fesneau, w’Ubuhinzi no kwihaza mu biribwa (de l’Agriculture et de la Souveraineté alimentaire);

• Mme Rachida Dati, w’umuco (de la Culture) ;

• M. Sébastien Lecornu, w’ingabo z’igihugu (ministre des Armées) ;

• M. Éric Dupond-Moretti, w’ubutabera n’ibirango byose by’igihugu (Garde des Sceaux, ministre de la Justice );

• M. Stéphane Sejourné, w’Uburayi n’Ububanyi n’andi mahanga (ministre de l’Europe et des Affaires étrangères) ;

• M. Christophe Béchu, wo kwita ku bidukikije no gukorera hamwe kwa za teritwari zitatanye (ministre de la Transition écologique et de la Cohésion des territoires );

• Mme Sylvie Retailleau, w’Amashuri makuru,n’Ubushakashatsi (de l’Enseignement supérieur et de la Recherche).

Ba Minisitiri bungirije (ministres délégués)

Mu biro bya Minisitiri w’Intebe

• Mme Prisca Thevenot, ushinzwe gutsimbakaza demukarasi, akaba n’umuvugizi mukuru wa guverinoma (chargée du Renouveau démocratique, porte-parole du Gouvernement) ;

• Mme Marie Lebec, ushinzwe imikoranire ya Leta n’Inteko ishinga amategeko (chargée des Relations avec le Parlement) ;

• Mme Aurore Bergé, ushinzwe Uburinganire bw’ibitsina byombi, no kurwanya ivangura (chargée de l’Égalité entre les femmes et les hommes et de la Lutte contre les discriminations).

Nkurikira ku rubuga rwa Whatsapp https://whatsapp.com/channel/0029VaCyM5ILdQejDYwQ2b2u

Nk’uko mubibona, aba minisitiri b’ibikonyozi muri guverinomoa yeguye yari iyobowe na Elisabeth Borne bagumye mu nshya. Bruno Le Maire na Eric Dupond-Moretti bagumye muri Minisiteri zabo ntibananyeganyezwa. Igikonyozi Gérald Darmanin, yagumanye Minisiteri ye (ubutegetsi bw’Igihugu) naho Sébastien Lecornu, agumana Minisiterri y’ingabo z’igihugu.

communique Download

Abashya bajemo harimo Prisca Thévenot ,wasimbuye Olivier Véran ku mwanya w’Umuvugizi. Rachida Dati w’umuco wasimbuye Rima Abdul-Malak. Catherine Vautrin wahawe iy’Akazi. Akandi gashya ni uwitwa Stéphane Séjourné, wahawe minisiteri y’ ububanyi n’amahanga asimbuye Catherine Colonna muri Quai d’Orsay.

Stéphane Séjourné ndabibutsa ko ari umugabo-gore wa Minisitiri w'Intebe mushya Gabriel Attal babana kuva 2017 mu rukundo rw'ababana bahuje igitsina (relation homosexuel). Bombi ntibakundaga kujyana mu itangazamakuru iby'urugo rwabo,kuko ari abanyepolitike.Bumva ko akazi kabo ari ko k'ingenzi kuruta iby'urukundo rw'abashakanye. Gabriel Attal aherutse gusubiza uwamubazaga impamvu atajya yifotozanya n'uwo mugabo babana mu buryo bw'ubutinganyi maze abasubiza agira ati “Poser avec mon amoureux, ça ne sera clairement pas au programme“ (kwifotozanya n'umukunzi wanjye tukabishyira hanze ntibizigera biba muri gahunda zanjye). Ni nyuma y'uko avuze ko n'ubwo ari umutinganyi  yifuza kubyarana umwana  n'uwo mukunzi we.Yifuza kwitwa Papa.