Mwalimu HAKIZIMANA Maurice

Mu nyandiko y’ubushize yagiraga iti “Ni ibihe byiciro by’imyanya yicarwamo mu ndege zitwara abagenzi?” nabasobanuriye ibyiciro by’ibyicaro byo mu ndege uko ari bine ari byo icyiciro cy’abagashize (la première classe), icyiciro cya rubanda rusanzwe (la classe économique),icyiciro cya rubanda rwihagazeho (la classe économique premium); n’icyiciro cy’abanyamafaranga (la classe affaires).

Uyu munsi ndasubiza abambajije ibya za hotels n’inyenyeri zayo. Ngo hotel y’inyenyeri eshanu, iy’inyenyeri ebyiri n’ibindi. Zisobanura iki? Zitangwa hashingiwe ku ki? Ese iy’inyenyeri eshanu ishobora kwamburwa inyenyeri imwe cyangwa ebyiri igasubira hasi? Ryoherwa n’iyi nyandiko.

I. Inyenyeri ni urwego, ni nk’ipeti rya gisirikari

Inyenyeri z’amahoteli zerekana urwego rw’iyo hotel hashingiwe kuri serivisi itanga n’ubwiza bwayo.Ayo mapeti cyangwa inyenyeri atangwa kuva ku nyenyeri 1 kugeza kuri 5.Uko inyenyeri ziyongera ni na ko nayo yongera confort (gufata neza abakiriya), yongera serivisi zayo (ibikorwa byinshi ikorera abakiliya), kandi yongera ibikoresho biyibamo.Buri nyenyeri yongera agaciro kayo. Ubu noneho reka ngusobanurire buri nyenyeri n’ibyayo mu magambo make magudi kandii agusha ku ngingo.

II. Ibisobanuro by’inyenyeri z’ama hoteli

• ⭐ Inyenyeri 1 : Hoteli yoroheje,ifite icumbi n’ iby’ingenzi gusa (simple, basique)
• ⭐⭐ Inyenyeri 2 : Hoteli ifite confort (gufata neza abayigana) byisumbuyeho gato,na za servisi nziza bidakabije (services limités)
• ⭐⭐⭐ Inyenyeri 3 : Hoteli nziza, ifite ibyo iz’inyenyeri 1 na 2 zifite,ikongeraho serivisi z’inyongera(services appréciables)
• ⭐⭐⭐⭐ Inyenyeri 4 : Hoteli ifite ibyo iz’inyenyeri 1,2 na 3 zifite byose kongeraho uburyohe buhanitse na confort idasanzwe, yo mu rwego rwo hejuru(services premium)
• ⭐⭐⭐⭐⭐ Inyenyeri 5 : Hoteli y’akatarabonela (luxe),y’indashyikirwa (excellence), itanga za serivisi zose umukiliya yifuza,izo ari zo zose (services personnalisés).Ni hoteli y’ibikomangoma n’abagashize.

III. Izo nyenyeri zitangwa hashingiwe iki?

Ugomba kumenya ko inyenyeri zimara imyaka 5, nyuma hoteli igasuzumwa bundi bushya,abagenzuzi basanga iri ku rundi rwego inyenyeri zikongerwa cyangwa zikabaganyuka. Hari n’ubwo ba nyiri hoteli ubwabo,nyuma yo kwagura no kongera ubushobozi bwabo ubwabo bisabira kongerewa ipeti (indi nyenyeri). Bitewe n’urwego rwayo, hoteli ishobora no gutangirira ku nyenyeri yo hejuru cyane (ya 5) ariko ishobora kuyamburwa nyuma y’imyaka 5 bibaye ngombwa.

Inyenyeri zitangwa hashingiwe ku bintu bikurikira:

1️⃣ Confort(uburyohe) bw’icyumba

• Ingano y’icyumba
• Ubwiza bw’ibitanda
• Ubwogero bwiza
• Akayaga n’ubushyuhe buhinduranya (climatisation)
• Icyumba kitinjiramo urusaku cyane

2️⃣ Ibikoresho bya hoteli

• Icyuma kizamura/kimanura abakiliya mu magoroba Lift(ascenseur)
• Internet (Wi-Fi)
• Televiziyo
• Parking
• Pisine, za Spa (amazu y’ubwihezuriro,n’ubwiza), amazu ya siporo (ku mahoteli manini)

3️⃣ Serivisi zihabwa abakiriya

• Kwakira abantu amasaha 24/24
• Abakozi bavuga indimi nyinshi
• Isuku ya buri munsi
• Serivisi yo mu cyumba ishimishije
• Resitora nziza

Hotel ya mbere narayemo,nariyemo, kandi nageragamo kenshi nkiri umwana n’ingimbi

IV. Buri hoteli igira inzego nibura 6

Inzobere mu bijyanye n’ubukerarugendo David W. Howell igaragaza inzego nibura esheshatu zigomba kugaragara muri hoteli iyo ari yo yose.

• Ubuyobozi (Administration):Buri hotel igomba kugira umuyobozi (Manager), umwungirije (Assistant Manager),abacungamari,abashinzwe abakozi n’abashinzwe amasoko.
• Abakira abashyitsi (Front Office): Abagize iki cyiciro ni bo abakiliya bahita bahitiraho iyo baje muri hotel bakabafasha mu byerekeranye no kubaha ibyumba,kubafasha imizigo bazanye,no kubaha amakuru anyuranye yerekeranye na hoteli.
• Abakora isuku (Housekeeping): Uruhare rw’aba bantu ni runini kuko batuma hotel, ibyumba byayo n’ahandi hantu hafite aho hahuriye na yo hahorana isuku.
• Abashinzwe ibiribwa n’ibinyobwa (Food and Beverages): Kubera ko ibyo kurya n’ibyo kunywa ari inkingi y’ibikorerwa muri hotel usanga abakozi bakora muri iri shami ari bo benshi ku buryo baba barenze kimwe cya kabiri cy’umubare w’abakozi ba hotel yose uko yakabaye.
• Ishami ry’ibikorwa remezo na tekiniki(engineering): Abakora muri iri shami nta ho bakunze guhurira n’abakiliya ba hotel. Icyo bashinzwe ni ugukora ku buryo nta bibazo bya tekiniki bishobora kubangamira imigendekere myiza y’ubuzima bwa hotel.
• Umutekano (security): Abashinzwe umutekano muri hotel baba bagomba kubungabunga ibintu by’abashyitsi, umutekano wabo ndetse n’umutekano wa hotel nyirizina.

Iyi si,

_{HAKIZIMANA MAURICE} II Kunkurikira kuri Whatsapp https://whatsapp.com/channel/0029VaCyM5ILdQejDYwQ2b2u II Kunkurikira kuri facebook: https://www.facebook.com/professormaurice/. 

KWAMAMAZA

🌍 TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)

Murakaza neza muri TIDAS

Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.

Serivisi zacu:

✅ Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
✅ Kugufasha dosiye zo gusaba ubuhungiro
✅ Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa

Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.

📞 Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com

✨ TIDAS :

“TIDAS – Iguhora hafi ”
“Ijwi ry’Abanyamahanga mu Bufaransa”
“Gusobanukirwa, Gusemura, Gufasha”