Miss France 2026 mu mafoto: Hinaupoko Devèze — watowe ni muntu ki? Irebere ubwiza bwa bose hano

Prof HAKIZIMANA Maurice

Irushanwa rya Miss France 2026 ryabereye mu mujyi wa Amiens, kuri Zénith, tariki ya 6 Ukuboza 2025, mu ntara (deparitoma) ya Somme. Mu gicuku, ni Hinaupoko Devèze, Miss Tahiti 2025, watowe nka Miss France 2026, asimbura Miss Angélique Angarni-Filopon, Miss Martinique 2024 akaba na Miss France 2025. Ni ubwa 6 Miss uvuye muri Tahiti yegukanye iri kamba ry’ubwiza n’ubuhanga.

Kurikira cano ya WhatsApp https://whatsapp.com/channel/0029VaCyM5ILdQejDYwQ2b2u II Kurikira ipaji ya facebook: https://www.facebook.com/professormaurice/. 

Miss Hinaupoko Devèze—Ni muntu ki?

Hinaupoko Devèze, wavutse tariki ya 17 Werurwe 2002 i Papeete (Polynésie française), ni Nyampinga w’Ubufaransa. Yatorewe kuba Miss Tahiti 2025 hanyuma atorerwa kuba na Miss France 2026, aba umu Miss France wa 96 kuva iri rushanwa ritangiye mu Bufaransa. Ni na Miss Tahiti wa gatandatu ubaye Miss France.

Hinaupoko Céline Devèze (izina Hinaupoko rivuga ngo “imanakazi nkuru” mu ki marquisien ) yavukiye i Papeete ku mubyeyi w’umu  marquisienne  (ukomoka ku kirwa cya Ua Pou) n’umubyeyi w’umufaransa nyabufaransa.

Yakuriye muri Polynésie française, muri Nouvelle-Calédonie ndetse no mu majyepfo y’Ubufaransa, cyane cyane i Pompignan, aho yamaze imyaka isaga cumi n’itanu, mbere yo gusubira gutura Tahiti muri 2023. Yatangiye kwiga amategeko ariko nyuma yo guhura n’ibibazo ahindura icyerekezo yinjira mu ishami rya psychologie (soma pisikoloji), aho yakuye impamyabumenyi. Yari no mu itsinda ry’ababyinnyi gakondo w’umuco w’aba marquisiens. 

Atorerwa kuba Miss Tahiti 2025

Hinaupoko Devèze yatowe nka Miss Tahiti 2025 tariki ya 28 Kamena 2025, mu busitani bwa komini ya Pirae, asimbura Temanava Domingo. Mbere y’amatora, yakoraga akazi ko kuba umunyamabanga, gutegura ingendo z’ikirere zerekeye kurengera ibidukikije mu Birwa bya Marquises , ndetse no kumurika imideli.

Atorerwa kuba Miss France 2026

Nka nyampinga uhagarariye Polynésie française, yitabiriye irushanwa rya Miss France 2026 ryabereye Amiens. Yaserutse mu gice cyari gifite insanganyamatsiko yo mu bihe bya kera (Antiquité) ndetse anambara umwambaro wa kinyamarika (Marquisien) wagenewe akarere ke, wateguwe na Hélène Coudret, ufite insanganyamatsiko ya Patutiki.

Yegukanye ikamba rya Miss France 2026, akurikirwa na Miss Nouvelle-Calédonie, Juliette Collet, wabaye igisonga cya mbere. Nyuma y’ibibazo byo guhungabanyieizwa ku mbuga za interineti (cyberharcèlement) byakorewe Miss France 2025, sosiyete ya Miss France yatangaje ko Camille Cerf (Miss France 2015) azaba umujyanama n’umurinzi wa Hinaupoko mu gihe cy’ubunyampinga bwe.

“Insanganyamatsiko yari afite ku mutima nk’ikibazo azitaho” ni ubuzima bwo mu mutwe, bikaba biterwa n’uko nawe ubwe yigeze kugira ako kabazo (yagize burn-out) muri 2020 ubwo yigaga amategeko.

Hinaupoko yanigeze kwitabira, afite imyaka 19, amashusho y’indirimbo y’umuraperi Koba LaD nk’umunyamideli. Yabyiyemereye mu irushanwa, avuga ko yabonye uburambe n’urwibutso rwiza.

AMAFOTO – Miss France 2026: Irebere ubwiza bwa ba nyampinga bavuye mu Ntara 30 z’Ubufaransa (Ni amafoto 31)

Kurikira cano ya WhatsApp https://whatsapp.com/channel/0029VaCyM5ILdQejDYwQ2b2u II Kurikira ipaji ya facebook: https://www.facebook.com/professormaurice/. 

Urunturuntu rwavutse Miss France 2026 akimara gutangazwa

Nyuma y’itangwa ry’ikamba, Miss Tahiti — Hinaupoko Devèze — yegukanye Miss France 2026. Ariko icyo gikorwa cyiza cyahise kigaragaramo urunturuntu ku munsi wakurikiyeho.

Hagaragaye video ya Miss Aquitaine na Miss Provence bari kurira no kwinuba ko barenganyijwe ko ari bi bari barikwiriye. Julie Zitouni we yanasohoye amagambo akarishye cyane.

Ku rubuga rwa Instagram, Lola Lachère, Miss Nord–Pas-de-Calais, yavuze urugendo rwe muri Miss France kuri uwo munsi w’icyumweru. Yavuze ko ukwezi kwose yaranzwe n’“ubushake bukomeye”. Yongeyeho ati: “Ejo bundi nagiye ku rubyiniro ntanga byose byanjye.” Yanatangaje ko yishimiye cyane guhagararira Intara ye.

Lola Lachère yari mu bakobwa bafatwaga nk’abafite amahirwe menshi mbere y’itora. Yewe ndetse n’’ubwenge bw’ubukorano (AI) bwari bwahanuye ko ari we uzatsinda. Ariko ntiyabashije kwinjira muri 12 ba mbere (Top 12), ava mu irushanwa mbere y’itora rusange. Yagize ati: “Uyu munsi ndikwibaza byinshi… Ijoro ryari ririmo amarangamutima menshi, ryanshenguye kandi ryanduhije. Nkeneye gufata akanya ko kuruhuka no gutuza.” Mu butumwa bwe, yashimiye mugenzi we bafatanyije urugendo agira ati : “Hina, wahacanye umucyo. Uzabaho urabagirana cyane kurushaho.” Yongeyeho ko azamuba hafi mu rugendo rwe rwose.

Nyuma y’ukwezi kwose ndi mu rugendo rwa Miss France nari nuzuye ubushake, ejo bundi nagiye ku rubyiniro ntanga byose ! ✨Ni ishema rikomeye guhagararira Nord–Pas-de-Calais !
Ndashimira buri wese wanyoboye muri uru rugendo. Mwarakoze ku butumwa bwanyu, urukundo n’inkunga… Mwari imbaraga zanjye zikomeye ❤️‍🩹
Ndashimira cyane mugenzi wanjye Hina. Waracanye ye umucyo kandi uzakomeza kurabagirana kurushaho. Amaherezo uzaba Miss France udasanzwe, ntuzigere wiheba. Nzahora ngufasha, inzira yose, igihe cyose. 👑❤️
Uyu munsi ndi mu rujijo… Ijoro ryari riruhije, ryanshenguye kandi ryuzuye amarangamutima. Nkeneye gufata akanya ko gutuza no kuruhuka,ariko nzabigarukaho hanyuma, ndabibasezeranyije.
Murakoze mu buryo bwimbitse ❤️ — lola_lachere

Iyi si

Prof HAKIZIMANA Maurice II Kunkurikira kuri Whatsapp https://whatsapp.com/channel/0029VaCyM5ILdQejDYwQ2b2u II Kunkurikira kuri facebook: https://www.facebook.com/professormaurice/.  

KWAMAMAZA

🌍 TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)

Murakaza neza muri TIDAS

Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.

Serivisi zacu:

✅ Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
✅ Kugufasha dosiye zo gusaba ubuhungiro
✅ Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa

Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.

📞 Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com

✨ TIDAS :

“TIDAS – Iguhora hafi ”
“Ijwi ry’Abanyamahanga mu Bufaransa”
“Gusobanukirwa, Gusemura, Gufasha”