Mwirinde kurya “amaso” y’ibirayi hamwe n’uburozi bwabyo bwitwa solanine

Author: HAKIZIMANA Maurice

Ibirayi ni kimwe mu biribwa by’ibanze bikunze kuribwa n’abantu benshi. Nyamara, hari ibice by’ibirayi bishobora guteza ingaruka ku buzima, cyane cyane ibyo abantu bamenyereye kwita “amaso y’ibirayi”. 

📲 Nkurikira kuri WhatsApp channel: Channel WhatsApp
📘 Nkurikira kuri Facebook page: Page Facebook

Amaso y’ibirayi ni iki?

Urubuga rwa Whatsapp L’Emeraude rusubiza rugira ruti “Ibirayi byinshi iyo turi kubitunganya, tubona bifite utwenge duto akenshi tuba dufite ibara ry’umukara. Bakunze kutwita “amaso y’ibirayi” mu Kinyarwanda. Izina rya siyansi (mu gifaransa) ni “bourgeons axillaires” (ou méristèmes apicaux). Utu twenge nitwo tuzaho imimero iba izavamo ibindi birayi.

Kuki kurya ayo maso bishobora guteza ikibazo?

Amaso y’ibirayi n’ibirayi bimwe na bimwe aba arimo solanine, ni ukuvuga uburozi karemano igihingwa cy’ibirayi cyikorera nk’ubwirinzi.

Solanine iboneka cyane mu birayi:

• byabaye icyatsi kibisi ( “mwanama”) bitewe no guhura n’urumuri,
• byamezeho imimero,
• byanambye
• byangiritse cyangwa byaboze igice cyane cyane hafi y’amaso n’imimero.

Ingaruka ku buzima

Kurya ibirayi bifite solanine nyinshi bishobora gutera:

• isesemi,
• kuruka,
• kurwara umutwe,
• ibibazo by’igogora n’uburibwe bwo mu nda,
• gucika intege bikabije,
• isereri.

Iyo solanine iribwa kenshi cyangwa mu bwinshi, ishoboraamaherezo guteza uburozi bukomeye, cyane cyane ku bana, abasaza n’abantu bafite intege nke z’ubuzima.

Inama:kwirinda biruta kwivuza

Mu rwego rwo kurengera ubuzima, ni byiza:

• Gukuramo neza amaso n’imimero y’ibirayi mbere yo kubiteka.
• Guca no guta ibice byabaye icyatsi kibisi.
• Kwirinda kurya ibirayi:
  • byabaye mwanama,
  • byameze,
  • byangiritse cyane cyangwa byaboze.
• Kubika ibirayi ahantu hakonje, humye kandi hatari urumuri, kure y’izuba.
• Kwirinda kubibika igihe kirekire.

Ubutumwa ku buzima rusange

Ibirayi ni ibiribwa by’ingirakamaro kandi bifitiye umubiri akamaro iyo bibitswe neza kandi bigatunganywa uko bikwiye.Kugira ubwitonzi mu kubika no gutegura ibirayi bifasha kwirinda ingaruka zitari ngombwa ku buzima bw’abantu.

Iyi si

Prof HAKIZIMANA Maurice II Kunkurikira kuri Whatsapp https://whatsapp.com/channel/0029VaCyM5ILdQejDYwQ2b2u II Kunkurikira kuri facebook: https://www.facebook.com/professormaurice/.  

KWAMAMAZA

🌍 TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)

Murakaza neza muri TIDAS

Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.

Serivisi zacu:

✅ Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
✅ Kugufasha dosiye zo gusaba ubuhungiro
✅ Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa

Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.

📞 Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com

✨ TIDAS :

“TIDAS – Iguhora hafi ”
“Ijwi ry’Abanyamahanga mu Bufaransa”
“Gusobanukirwa, Gusemura, Gufasha”