Ku mbuga nkoranyambaga muri iyi minsi ibiri ishize,huzuye inkuru z’imyotsi. Umwotsi wirabura mu itorwa rya Papa mushya i Vatikani werekana ko nta nkuru nziza iragerwaho, ko amatora ataragera ku mwanzuro mwiza. Umwotsi wera wo ugaragaraza ko ibintu ari umunezero gusa gusa ko mu kanya gato cyane inkuru nziza y’izina rishya rya Papa mushya iratangazwa.
Abirabura bawe nabo ngo kuki umwotsi « wirabura »(noir/black) nkabo ari wo ugaragaza ko nta kiravamo,naho umwotsi « wera » (blanche /white) nk’abera b’iyoukaba ari wo utangaza inkuru nziza?Ngo bigomba guhinduka!
Wowe uha agaciro ibi bintu by’ibara ry’uruhu n’amoko bisigaye byinjizwa mur buri kintu cyose kinyeganyeze?
IIKurikira umuyoboro wanjye wa Whatsapp kuri Whatsapp https://whatsapp.com/channel/0029VaCyM5ILdQejDYwQ2b2u II Kurikira page yanjye ya Facebook:: https://www.facebook.com/professormaurice/.
Reka mbanze ngusobanurire uko bakora iyo myotsi yombi: uwera n’uwirabura
Mbere hose, mu Mateka ya Vatikani kuva yabaho, bafataga impapuro batoreyeho bakazitwikana n’ibyatsi bijanditse mu mazi kugira ngo umwotsi wera uboneke mu muyoboro w’umwotsi. Hanyuma kugira ngo babone umwotsi wirabura bwo bongeragamo icyitwa poix (ni nka godoro iyi ya Kaburimbo ariko isukika) cyangwa bagafata imbyiro zagiye zisigara ku muyoboro w’umwotsi bakazongera muri bya byatsi byumye n’impapuro z’amajwi ni uko umwotsi ukazamuka wirabura tsiriri tsiriri.
Muri 2013, igihe papa Fransisko yatorwaga, Urwego rushinzwe itangazamakuru rwo ku Murwa Mukuru Mutagatifu (Le Saint-Siège) rwahishuye ko kuva 2005 batangiye gukoresha iziko rya kijyambere, ry’amashanyarazi icyarimwe n’iziko rya gakondo kugira ngo imyotsi igaragare neza nta gutera urujijo.Kuri iryo ziko rya kijyambere, ry’amashanyarazi bavangamo (kuva 2005) ibintu byo mu rwego rw’ubutabire (chimie) kugira ngo amabara y’imyotsi abe agaragara neza.
Ku mwotsi wirabura, uruvange rw’ibintu byo mu rwego rw’ubutabire (chimie) bakoresha rugizwe na perchlorate de potassium,hamwe na anthracène hamwe na soufre». «Ku mwotsi wererana uruvange rw’ibintu byo mu rwego rw’ubutabire (chimie) bakoresha rugizwe na chlorate de potassium, na lactose kongeramo colophane.
Muri ibyo byombi,uwo mwotsi gakondo uvangwa n’urwo ruvange rw’ibintu byo mu rwego rwa chimie (chlorate cyangwa perchlorate) maze umwotsi ukaza uko babishaka.
Abirabura ngo « umukara wabo nkabo »urabavangura!
Intego y’iyi nyandiko ni iyo kugira icyo mbwira abirabura bavuga ngo «umukara wabo nkabo» urabavangura! Ngo ubashyira hasi! Ngo Vatikani ishake undi « mwotsi mubi » babavire ku ibara ry’uruhu! Ngo kuki batashaka nk’umwotsi utukura, w’icyatsi kibisi cyangwa w’ubururu?
Ndababwira nti ariko ibi bintu byo kwinjiza ibara ry’uruhu n’ubwoko muri buri kantu kose gakomye,mubona atari uburwayi? Ubu se « abera » nabo bazatubuze gukoresha impapuro z’isuku zera mu misarani yacu tubavire ku ibara « ryera »? None se impapuro z’isuku niziba umukara mu misarani byo muzabyemera? Mwebwe se mukunda ibara ry’uruhu rwanyu? Kuki mwe mukunda kwambara ibyera mu birori n’ibyirabura mu kiriyo? Kuki mu muco gakondo (urugero nko mu Rwanda rwa kera) bavugaga ko “imana zeze” ari amahoro naho “zakwirabura” bikaba umwaku? Abazungu bari bakahageze?
Ibara ry’uruhu rwanjye nta soni rintera! Sindihuza n’ibinyeganyeze byose! Umukara umweru umuhondo umutuku icyatsi kibisi byose ni amabara!Simpitamo incuti zanjye mbanje kureba ibara ry’uruhu,ndeba ikiri imbere mu ruhu,mu gihanga !
Iyi si
Mwalimu HAKIZIMANA Maurice IIKurikira umuyoboro wanjye wa Whatsapp kuri Whatsapp https://whatsapp.com/channel/0029VaCyM5ILdQejDYwQ2b2u II Kurikira page yanjye ya Facebook:: https://www.facebook.com/professormaurice/.