Ikibazo:IYO UMUNTU YAVUTSE ARI IGIPFAMATWI, ATEKEREZA MU RUHE RURIMI?
Ihame: Iyo ubwonko butigeze bwumva ijwi (son) na rimwe,ntibutekereza mu ijwi cyangwa mu rurimi.
(1)Iyo yize LSF (langue de signe française) cyangwa ASL (American Sign Language) indimi z’amarenga atekereza byose mu marenga yishushanya mu bwonko,akabyara amashusho!
(2) Iyo yize gusoma no kwandika bisanzwe afata ikaramu,ubwonko butekereza mu nyandiko,inyandiko zo mu bwonko zigahindukamo amashusho nyayo.
(3) Iyo ibyo byose ntabyo yabonye,mbese nko mu bihugu bitabitaho na gato,ni ha handi ubwonko bwe bwirwanaho bugacura inkoranyamashusho ye bwite mu mutwe,hashingiwe ku zindi sens (ibyiyumviro) zikora neza: kureba(la vue), gukorakora (le toucher), kuryoherwa (le goût),no guhumurirwa/kunukirwa (l’odorat)!
Dufate ingero
Umuneke (tuwuhuje na 3:) utekereza kurya umuneke,kuko uzi izina ryawo,niryo riza mu bwenge. Utarigeze amenya izina ryawo, ariko wawuriyeho (le goût) awutekereza mu buryohe ubwonko bwabitse,no mu ishusho yabonye,kongeraho uko yawukorakoye!
Umuneke(tuwuhuje na 2) biroroshye,kuko yize gusoma no kwandika bisanzwe ,ubwonko butekereza umuneke mu nyandiko. Awutekereza mu nyandiko: u-mu-ne-ke.
Umuneke(tuwuhuje na 1) biroroshye,kuko yize ururimi rw’amarenga,awutekereza mu rurimi rw’amarenga yize!
Umwanzuro
Muri siyansi,batwigishije ko (hari ubushakashatsi bwinshi cyane bwabikozweho) ko mu gutekereza,ibipfamatwi bishushanya! Iyo igipfamatwi gitekereje gukora ikintu,kibona kigikora mbere yo kugikora. Urugero: iyo atekereje ko mu kanya ari bujye kuryama,ubwonko bumwereka igikorwa cyose cyo kuryama, yibona aryamye! Muri iyi si y’ikoranabuhanga,abatumva bagira ibikoresho byinshi bya elegitoronike bibafasha.
Iyi si,
Mwalimu HAKIZIMANA Maurice
👉 Kurikira channel yanjye ya WhatsApp: https://whatsapp.com/channel/0029VaCyM5ILdQejDYwQ2b2u
👉 Kurikira paji yanjye ya Facebook: https://www.facebook.com/professormaurice/