AMATEKA

Tariki nk’iyi mu Mateka: Perezida Maréchal Mobutu Sese Seko Kuku Ngbendu wa Za Banga ahunga,Kinshasa ifatwa

May 18, 2024
professormaurice
445 Comments
Abarebye: 1,776

HAKIZIMANA Maurice

Tariki nk’iyi ya 18/05 mu mwaka wa 1997 nibwo Nyakubahwa Perezida wa Repubulika ya Zaïre, Perezida Fondateri wa Muvoma MPR, Umugaba w’Ikirenga w’ingabo za Zaïre, Igihangange Maréchal Mobutu Sese Seko Kuku Ngbendu wa Za Banga yahunze igihugu yari yaritoraguriye (yari we wenyine nta wundi wibeshyaga ngo anatekereze iyo ntebe kuva muri 1965 kugeza muri 1997 ni ukuvuga ko yategetse wenyine mu gihe cy’imyaka 31 amezi 5 n’iminsi 22) aho yaje kugwa azize uburwayi amezi ane nyuma yaho!

II Ushaka kunkurikira kuri Whatsapp https://whatsapp.com/channel/0029VaCyM5ILdQejDYwQ2b2u/ II Ushaka kunkurikira kuri facebook: https://www.facebook.com/professormaurice/

Maréchal Mobutu Sese Seko Kuku Ngbendu wa Za Banga

Tariki 17/05/1997 umurwa mukuru Kinshasa, (« Kinshasa La belle ») wafashwe n’inyeshyamba zagenderaga mu bicu zitiriwe umusaza Laurent-Désiré Kabila (umutwe wa Afdl bivuga Alliance des forces démocratiques pour la libération du Congo ).

Joseph-Désiré Mobutu (amazina ye nyakuri) muri za 1960.

Iminsi ibiri mbere y’uko ashogoshera, Maréchal Mobutu yatunguwe n’amagambo y’abajenerali be Likulia, Mahele, Nzimbi, Ilunga (wari Minisitiri w’ubutegetsi bw’igihugu) na Vungbo baje kumureba iwe arwaye bakamubwiza ukuri kose bati :“Nous ne pouvons plus garantir votre sécurité” ( aribyo kuvuga ngo “Ku by’umutekano wawe,ntacyo twakwizeza”)

Ako kanya,saa 10h za mu gitondo,Mobutu n’abagize umuryango we bari bageze ku Kibuga cy’indege cya Ndjili aho Boeing 737 yatwaraga perezida,itwarwa na komanda Mukandila, yari ibategereje. Babanje kujya Kawele (mu cyaro ku ivuko rya Mobutu, mu Ntara ya Equateur, aho yari yarubatse ingoro ikomeye).

Hanyuma ku ya 17/05/1997, Kapiteni Kongulu Mobutu (umuhungu we wari umusirikare uzwi cyane ku kazina ka “Saddam Hussein”) wari wamaze kugera hakurya Brazzaville aramuhamagara amubwira ko yambutse we n’abandi basigaye bo mu muryango! Amusaba kumwoherereza indege bazakoresha kugira ngo bazerekere aho nawe azerekera bibaye ngombwa!

Mobutu ategeka umusirikare w’icyegera cye(aide de camp) Major Ngani kohereza indege vuba na bwangu Brazzaville. Baha komanda Mukandila,umupilote, amadolari 13.000$ y’ibitoro n’ibindi byakenerwa!

Mukandila yageze Brazzaville ariko aca amazi Kongulu Mobutu (alias “Saddam Hussein”) anamubwiza ukuri ko rwose iyo ndege batayinjiramo ko ari iy’igihugu kandi ko arayisubiza i Kinshasa, ikajya itwara perezida mushya umusaza Laurent-Désiré Kabila.

Kongulu Mobutu abibwira se, umujinya urabica, ni uko Maréchal ahamagara incuti ye Nyakubahwa Gnassingbé Eyadema, Perezida wa Togo amwoherereza vuba vuba indege ikura Umuryango we i Brazzaville iwujyana i Lomé.

Mobutu byaramugoye cyane kuva Gbadolite nta ndege! Hari ikidege gishaje gitwara imizigo cyari icya Jonas Savimbi inyeshyamba yo muri Angola! Savimbi yari yacyohereje gutwara imizigo ye yari aho (intwaro n’ibindi bikoresho bye byari bihishwe aho) mbere y’uko zihindura imirishyo! Ni uko gishimutwa gutyo na Major Ngani (umu GP)!

Kuva mu ngoro yabo y’akataraboneka bazanye imodoka ya Maréchal Mobutu Sese Seko umugore we Mama Bobi Ladawa arira cyane, yanze kujyamo Koloneri Motoko (GP w’urugo rwose) amutegeka kujyamo cyangwa akamurasa mu mutwe nawe akirasa ni uko apfa kwipfuruikamo! Muganga Dr Byamungu wabavuraga ngo niwe wamuteruye amushyiramo ku ngufu !Koloneri Motoko niwe wari shoferi , iruhande rwe hari Nzanga Mobutu, undi muhungu wa Maréchal, naho Marechal Mwenyewe yiyicariye inyuma mu bandi bantu bo mu muryango!

Ku kibuga muri rwa rudege rw’imizigo rutagira intebe zo kwicaramo, byarabagoye cyane kugeza ubwo biyemeje kurizamo imodoka ya perezida Limousine Mercedes Benz kugira ngo yicaremo bayimutwaranemo! Yahagurutse saa 5h za mu gitondo zo kuwa 18/05/ 1997. Yagurutse amasaha 3 kuva Gbadolite kugera Lomé (Togo), Mobutu amanurwa muri ya limousine ye yagurukanye bakirwa kandi bitabwaho na Nyakubahwa perezida wa Togo bwana Gnassingbé Eyadema.

Mobutu yahamaze iminsi 5 maze Nyagasani Umwami Hassan II, wa Maroc amuha ubuhungiro bwiza kuya 23/05/1997 i Rabat, we na madamu we Bobi Ladawa n’abantu 56 bari kumwe!

Yibwiraga ko atazahatinda cyane,ariko Ubufaransa bumwangira kuhakandagiza akarenge,ahamagara Afurika y’Epfo nayo imutera utwatsi, ahamagara muri Portugal nabo baramwangira ni uko aratuza amenya iyi si yigumira muri Maroc ariko bava mu murwa mukuru bajya ahitwa Tanger mu « majaruguru » ya Maroc aho Umwami yabahaye ingoro nziza ibakwiriye!

Maréchal yari arwaye kanseri y’amabya(cancer de la prostate) kandi agahinda ishavu n’uburwayi byamuhuhuye vuba cyane, asubizwa i Rabat kwivuza mu bitaro byiza kurusha ibindi byose (hôpital Avicenne de Rabat) maze biranga ashiramwo umwuka ku itariki ya 7/9/ 1997, afite imyaka 66 y’amavuko! Ashyingurwa mu irimbi ry’abanyaburayi ry’i Rabat!

Mobutu asiga igihugu yiyitiranyaga nacyo atyo kigurumana atakaza ibyubahiro bye byose kandi buhoro buhoro agenda yibagirana mu mitwe y’Abazayirwa baje no kwisubiza izina ry’Abakongomani!

Iyi si!

HAKIZIMANA Maurice: II Kunkurikira kuri  Whatsapp https://whatsapp.com/channel/0029VaCyM5ILdQejDYwQ2b2u II Ushaka kunkurikira kuri facebook: https://www.facebook.com/professormaurice/

445 thoughts on “Tariki nk’iyi mu Mateka: Perezida Maréchal Mobutu Sese Seko Kuku Ngbendu wa Za Banga ahunga,Kinshasa ifatwa”

  393. balloon казино официальный сайт balloon game Казино всегда предлагает выгодные акции.

    Reply

  394. Играйте СЃ СѓРјРѕРј, РЅРѕ РЅРµ забывайте Рѕ веселье.: balloon игра – balloon игра

    Reply

  395. Ballon — выберите СЃРІРѕР№ путь Рє победе.: balloon игра – balloon казино официальный сайт

    Reply

  402. balloon игра balloon игра Казино — это место для больших выигрышей.

    Reply

  405. Игровой автомат — это развлечение Рё шанс.: balloon game – balloon казино играть

    Reply

Leave a Reply

Your email address will not be published. Required fields are marked *