ALDI-Iduka rikomeye ricuruza rigabanya cyane ibiciro.Izo nyuguti ALDI zisobanura iki?

March 22, 2023

Abarebye: 22,513

Hakizimana Maurice

ALDI ni impine z’ikidage (ALbrecht-DIskont) rikaba iduka nako isoko rinini cyane(chaîne de supermarchés) ricuruza ku biciro byo hasi cyane ari nacyo Diskont bisobanura(discount:kugabanya ibiciro) ubwo DI ya nyuma murayisobanukiwe.Rikomoka mu Budage,rikaba kampani y’umuryango umwe,urugo rumwe rudori,bashinze muri 1913 mu mugi muto uzwi cyane witwa Essen. Nyir’ugushinga iri soko ni umugore witwa Anna Albrecht(ubwo AL mumenye ko ari inyuguti ebyiri zibanza mu izina rya Albrecht) ryatangiye yicururiza imboga,inyanya, ubunyobwa,ubufu,n’ibindi byo kurya bigenda bikura,intambara ya mbere y’isi yose iba irabisenye,irangiye arongera aratangira ndetse abahungu be babiri Theodor na Karl ALbrecht, baraza baramufasha ibyari akabutike gato k’ubusabusa kavamo amangazini y”umuryango,none ubu ni isoko ryashinze amashami ku isi hose.

ALDI biva kuri AL (Albrecht) na DI(diskont) wabifatanya bikaba: Kwa ALbrecht byose ni DIskont,ibiciro bihora hasi)!

Ubu tuvugana iri soko ryafunguye ama supermarchés (amasoko manini cyane) asaga 8 078 mu bihugu 15 hirya no hino uhereye mu Budage ku byicaro byabo bikuru kandi ubu babarirwa imali ya miliyari 29,3 z’amayero ntimumbaze mu marundi,amakongomani cyangwa amanyarwanda sinabyishoborera.

Intego yabo ni : « Une qualité supérieure, des prix inférieurs mu kidage Qualität ganz oben, Preise ganz unten»,mu kinyarwanda ngenekereje ni “Turabaha ibintu byiza kandi ku giciro cyo hasi cyane”.

Wa mubyeyi wayishinje yibukirwaho kuvuga ngo : “Je schlechter es den Leuten geht, desto besser geht es uns(“The worse people are, the better off we are.”/ “plus les gens vont mal et mieux nous nous portons” » ngenekereje yagize ati ” Uko abantu bagenda barushaho kuba babi,twebwe twiyemeje kugenda turshaho kuba bazima”. Nusura iduka ryabo urugero hano mu Bufaransa uzahasanga icyapa cyanditseho ngo : « Place au nouveau consommateur » bivuga,ngenekereje ngo “Muguzi mushya,aha ni ho iwawe”.

Iri tsinda Aldi ry’abavandimwe babiri nababwiye haruguru ryaje kubyara amahari kubera kutumvikana ni uko baricamo kabiri ,n’izina bararigabana.Ubu hari amasosiyeti abiri yemewe n’amategeko,ariyo Aldi-Nord na Aldi-Süd, baranatandukana,mu Budage bashinga ibyicaro bibiri banagabana amashami yabo mpuzamahanga.

Muzi icyo bapfuye? Umwe yashatse ko bacuruza n’agatabi k’isigara(cigarettes)wenda bakarishyira kuri kontwari aho abakiliya bishyurira,undi arabyannga ngo nta by’itabi. Nta yindi mpamvu kuko na n’ubu baracyahura,bagafatira imyanzuro ikomeye hamwe.

Uwatsimbaraye ku gatabi ni Theo wanagumanye isoko ry’amajyaruguru y’ubudage naho Karl agumana isoko ry’amajyepfo ashinga Aldi-Süd.Banagiye bagabana amasoko mpuzamahanga. Theo ariwe nyiri Aldi-Nord ni we nyiri mashami yose anyanyagiye muri Belgique, Danemark, Espagne, France, Luxembourg, Pays-Bas, na Pologne ; mu gihe Karl nyiri Aldi-Süd ariwe ucunga amashami yose ari muri Autriche,Suisse,Australie, États-Unis, Irlande,no mu Bwongereza. Aldi-Süd yanafunguye amashami muri Suisse mu mwaka wa 2005,naho muri 2007 ayafungura amashami muri muri Hongrie no mu Bugereki.

Indi ngingo bisa: H&M-iduka ricuruza imyenda y’abagore,abagabo n’abana ku isi hose.H&M bivuga iki?

Indi ngingo bisa: DHL NI IKI? IZO NYUGUTI ZIVUGA IKI?

Ese iwanyu mu gihugu cyanyu,ni bande batangiriye ku busa bakaba abacuruzi mpuzamahanga kandi bo n’imiryango yabo bagatungwa n’icyuya cyabo kugeza ku buzukuru ubuzukuruza n’ubuvivi?

Nawe byakubera. Amahoro masa ku bashaka urwunguko.Muhahe muronke uzashinge za ALDI ibihumbi.

Profeseri Hakizimana Maurice ni umwarimu w’umwuga warangije icyiciro gihanitse(masters Meef) mu burezi muri Université Catholique de Paris no mu bumenyamuntu muri Sorbonne Université,akaba yigisha amashuri makuru mu Bufaransa.Wamukurikira kandi kuri : Facebook,Twitter na Instagram