Ubufaransa buti: “Ingabo z’u Rwanda n’abarwanyi ba M23 bagomba guhita bava muri Kongo”!

Yanditswe na  HAKIZIMANA Maurice

PARIS, Kuwa 30 Mutarama – Kuri uyu wa kane umuvugizi wa guverinoma y’Ubufaransa yavuze ko Ingabo z’u Rwanda(RDF) ndetse n’abarwanyi ba M23 bashyigikiwe n’u Rwanda bagomba guhita bava mu burasirazuba bwa Repubulika iharanira demukarasi ya Kongo. Umuvugizi wa Minisiteri y’Ububanyi n’Amahanga Christophe Lemoine, nyuma y’uruzinduko rwa Minisitiri w’ububanyi n’amahanga Jean-Noël Barrot mu karere yagize ati: “Ubusugire no kutavogerwa bw’Akarere Ka Kongo RD si ibintu byo kuganirwaho.”

II Kunkurikira kuri Whatsapp https://whatsapp.com/channel/0029VaCyM5ILdQejDYwQ2b2 II Kunkurikira kuri facebook: https://www.facebook.com/professormaurice/. 

Ku wa kane, guverinoma y’Ubufaransa yasabye ko ingabo z’u Rwanda n’abarwanyi ba M23 bashyigikiwe n’u Rwanda bava ku butaka bwa RD Kongo. Abo barwanyi bateye imbere mu bucukuzi bw’amabuye y’agaciro mu burasirazuba bw’igihugu nk’uko France 24 ibitangaza.

Christophe Lemoine, umuvugizi wa Minisiteri y’Ububanyi n’amahanga

« Ingabo z’u Rwanda zigomba guhita ziva ku butaka bwa RDC… Ubusugire no kutavogerwa bw’Akarere ka Kongo RD si ibintu byo kuganirwaho.”»

Ku wa kane, Barrot yageze mu murwa mukuru Kinshasa akaba agomba guhura na Perezida Felix Tshisekedi, nk’uko amakuru aturuka muri guverinoma ya Kongo abitangaza ndetse n’umuyobozi wa perezidansi. Tshisekedi yemeje ko igisubizo cya gisirikare kizakomerera abarwanyi bashyigikiwe n’u Rwanda bakomeje gufata uduce twinshi tw’igihugu dukungahaye ku bucukuzi bw’amabuye y’agaciro mu burasirazuba bw’igihugu nyuma yo gufata igice kinini cy’umurwa mukuru w’intara, Goma.

Source: France24

Perezida w’Ubufaransa bwana Emmanuel Macron nawe yavuze ko “Ingabo z’u Rwanda n’abarwanyi ba M23 bagomba guhita bava muri Kongo”!

Iyi si,

HAKIZIMANA MauriceII Kunkurikira kuri Whatsapp https://whatsapp.com/channel/0029VaCyM5ILdQejDYwQ2b2 II Kunkurikira kuri facebook: https://www.facebook.com/professormaurice/.