Uko nitwaye ku mushoferi wari wazabiranyijwe n’uburakari mu muhanda:“Ururimi rworoheje ruvuna igufwa..”

Author: HAKIZIMANA Maurice

Ku wa Gatandatu ushize, nakoze ikosa mu muhanda : nakase nabi maze mfungira inzira umwanya muto (nk’amasegonda 30) undi mushoferi. Byari amakosa agaragara rwose, nanjye ndabyemera.Yahise avuza amahoni menshi cyane nk’utabaza, amanura ikirahuri cy’idirishya anyereka urutoki rwo hagati ino bita doigt d’honneur (ni igitutsi gikomeye cyane), maze ku bw’amahirwe make nsanga tugiye hamwe ni uko duhurira kuri parikingi y’isoko (centre commercial) mu minota mike cyane. Yarahagaze arantegereza. Ka gatoki ko hagati hejuru,ansukaho uburakarai bwinshi antuka mu gifaransa ibitutsi byinshi arambwira ngo  — « Apprends à conduire, imbécile ! » (bivuga ngo “Uzasubire kwiga gutwara imodoka, wa gicucu we!”

Narahagaze mparika neza. Namanuye ikirahure cy’idirishya y’imodoka. Ndamureka aravugaaa, arantuukaaa, uburakari bwe arabusohora bwose, bumushiramo. Sinigeze muca mu ijambo. Maze arangije neza mubwira ntuje nti:

— “Ufite ukuri muvandi. Nakase nabi ngufungira inzira. Mbabarira. Ririya ni ikosa rikomeye kandi ridasobanutse nakoze. Ahubwo ndagushimira ko wari ku muvuduko mwiza kandi uzi gutwara witonze ni byo byaturinze impanuka twese — witwaye neza cyane, iyo uba urangaye twari gukora impanuka”

Uko bigaragara yaratunguwe. Yari akirakaye, ariko ahita amera nk’imboga zikubiswe n’umuriro. Areba nk’ucitse intege. Ni uko ahagarara hamwe nta jambo avuga, nyuma y’akanya aba avuga yitonze cyane nk’umumalayika ati:— “Sawa, ubutaha rero ujye witonda.”

Nahise ninjira mu iduka. Hashize akanya, nkiri muri mangazini (mu iduka) numva umuntu ankomanze ku rutugu. Ni we, turacyari mbili mbili….ahita ambwira atuje cyane ati:

— “Ngomba kugusaba imbabazi. Mbabarira, nagize igitondo kibi cyane. Wakoze kunyibutsa ko buri wese ashobora gukora amakosa. Ntabwo nari nkwiriye kubyitwaramo kuriya.”

Turamwenyura, twifurizanya umunsi mwiza, maze buri wese akomeza inzira ye.

Amasomo?

• Kwemera amakosa utaruhanyije bigabanya amakimbirane: Kwemera ko wakosheje si intege nke — ni imbaraga.
• Ubugwaneza burusha imbaraga guterana amagambo:Uburakari butera ubundi burakari, ariko ituze rirabuzimya.
• Iri jambo rimwe gusa rishobora guhindura ibintu byose: “Mbabarira“ :Gusaba imbabazi bivuye ku mutima kandi ako kanya bivunja uburakari mo ubwumvikane no kumwenyura.
• Umutima mubi n’uburakari akenshi biba bifite impamvu, inyuma yabyo haba hari ububabare bwihishe: Uyu mugabo ngo yari yagize igitondo kibi. Ntidushobora kumenya neza ibyo undi muntu udusutseho uburakari arimo kunyuramo.Incuro nyinshi umunab we uba uvuye ahandi.

Ibi byanyibukije umurongo umwe wo muri Bibiliya Yera ugira uti:

“Kwitonda ukarindīra byemeza umutware, Kandi ururimi rworoheje ruvuna igufwa“.— Imigani 25:15.
Hari indi Bibiliya iwuvuga gutya ngo “Iyo wihanganye ushobora kwemeza umuyobozi,
Kandi amagambo arangwa n’ineza umuntu avuga, ashobora gutuma umurwanya cyane acururuka.

Mu by’ukuri, ubugwaneza si intege nke — ahubwo ni imbaraga.Si ubugwari ahubwo ni ubutwari.”Ururimi rworoheje ruvuna igufwa“.

Iyi si,

Prof HAKIZIMANA Maurice II Kunkurikira kuri Whatsapp https://whatsapp.com/channel/0029VaCyM5ILdQejDYwQ2b2u II Kunkurikira kuri facebook: https://www.facebook.com/professormaurice/.  

KWAMAMAZA

🌍 TIDAS – Traduction (guhindura mu ndimi inyandiko), Interprétariat (gusemura) &Accompagnement dans vos démarches d’asile et de séjour en France” (gufasha byose mu bijyanye n’amadosiye asaba ubuhunzi, gutura, no kubona ibyangombwa byose byo gukorera no kuba mu Bufaransa)

Murakaza neza muri TIDAS

Intego yacu: gufasha abanyamahanga baba mu Bufaransa guhangana n’imbogamizi z’ururimi n’iz’ibyangombwa byose.

Serivisi zacu:

✅ Itumanaho n’ubusemuzi mu gihe cyo guhura n’abategetsi cyangwa gushyira ku murongo dosiye zawe
✅ Kugufasha dosiye zo gusaba ubuhungiro
✅ Ubufasha bwose mu bijyanye n’amadosiye yo gutura, no kubona ibyangombwa byose byo gukorera,kwiga no kuba mu Bufaransa

Hamwe na TIDAS, ubona serivisi ya kinyamwuga, yemewe n’amategeko; yita ku bantu kandi yizewe.
Twizera ko buri muntu akwiye gutegwa amatwi no gufashwa.

📞 Twandikire uyu munsi tuvugane ku mushinga wawe kuri (+33) 07 58 90 35 49 cyangwa utwandikire kuri tidasetvous@gmail.com