IKINYARWANDA:URURIMI RWACU UMUCO/ICO

“IGISHYIMBO”

March 31, 2023
professormaurice
751 Comments
Abarebye: 2,585

Hakizimana Maurice

Ngwino cyamamare nkurate
Ngwino cyatwa cy’abanyarwanda
Wowe uturwanaho buri teka
Wowe udutera umunezero.
Ingabo itabarana uriya mutoya

Nta bwo itakara ku rugamba
Ngo ingabo utwaye zitatane
Uhora uyisura ukayisukura
Bugacya ugerekaho iyisumbye.
Ari ugushakira amasuhuko

Abatagutunze bageze ikaga.
Reka nsobanure ingabo iganje
Wenda muri twe habamo bamwe
Batanyumva uko nyibabwiye
Bakayikekamo isuri isanzwe!

Ka kababi k’umugondoro
Gakura buhoro ijoro n’umunsi
Umurima ukabamo ingarama nziza,
Inzara iratsindwa uba uzibye icyuho,
Icyoko cyizihiye rubanda

Ikibabi ukinze ukiri mutoya,
Kibona ibindi by’agasukiranyo
Waba ushonje ukajya gusoroma
Kugeza uvanga n’imiteja,
Imitima ikururuka mu bantu

Bakabitonora aho mu iturira
Izuba ryavamo nka gatanu,
Bakabitoranya babitwara,
Bakabisanza mu rugo hose,
Bakabisura bagasusuruka

Ukumva imirishyo hirya no hino
Abantu bose birya icyara
Ngo cya cyago izaca hehe?
Ko tubihuye tukabihunika
Uretse ibyo twahaho abacuruzi

Tugura akunyu ko kubirisha
Imitiba ihunitse izajya hehe?

Abo cyakujije mukomere! Njya nibaza iyo tutagira igishyimbo cyo nyama zacu tuba turi hehe?

Profeseri Hakizimana Maurice ni umwarimu w’umwuga warangije icyiciro gihanitse(masters Meef) mu burezi muri Université Catholique de Paris no mu bumenyamuntu muri Sorbonne Université,akaba yigisha amashuri makuru mu Bufaransa.Wamukurikira kandi kuri : Facebook,Twitter na Instagram

751 thoughts on ““IGISHYIMBO””

  1. Pingback: INYAMA N’IGISHYIMBO BYAHUYE – Prof Maurice Hakizimana